Türkiyə Super Liqasında VI turun mərkəzi görüşü "Fənərbağça" və "Beşiktaş" komandaları arasında keçirilib.

"Report" xəbər verir ki, "Şükrü Saracoğlu" stadionunda təşkil olunmuş qarşılaşmada qalib müəyyənləşməyib - 1:1.

Hesabı 40-cı dəqiqədə qonaqların hücumçusu Rayan Babel açıb. 71-ci dəqiqədə isə Andre Ayyu meydan sahiblərinin bərabərlik qolunu vurub. 90+3-cü dəqiqədə "qara qartallar"ın oyunçusu Caner Erkin qırmızı vərəqə alıb.

Bu nəticədən sonra xallarını 11-ə yüksəldən "Beşiktaş" 4-cü, 7 xala malik "Fənərbağça" 13-cü pillədə qərarlaşıb.